மழைக்கு இடையிலும் விட்டு வெளுத்த முரளி விஜய்.. அதிரடி சதம்

பெங்களூரு: பெங்களூரை குளிர வைத்து வரும் மழை டையில் இந்தியா - ஆப்கானிஸ்தான் டெஸ்ட் போட்டியின்யில், தமிழக வீரர் முரளி விஜய் சதம் அடித்துள்ளார்.

இந்திய ஆப்கானிஸ்தான் அணிகளுக்கிடையேயான ஒரே ஒரு டெஸ்ட் போட்டி பெங்களூருவில் நடைபெற்று வருகிறது. டாசில் வென்ற இந்திய அணி முதலில் பேட்டிங் செய்தது.

துவக்க ஆட்டக்காரர்களாக ஷிகர் தவான் மற்றும் முரளி விஜய் களமிறங்கினர். ஷிகர் தவான் தொடக்கம் முதலே மிகவும் அதிரடியாக விளையாடினர். அவர் 87 பந்துகளில் சதம் அடித்தார்.இதில் 18 பௌண்டரிகளும் , 3 சிக்ஸர்களும் அடங்கும். அவர் 107 ரன்களில் ஆட்டமிழந்தார்.

முரளி விஜய் சிறப்பாக விளையாடி 94 ரன்களில் இருக்கும்போது முதல் முறையாக மழை குறுக்கிட்டது. அப்போது ஆட்டம் சுமார் 1 மணிநேரம் தடைபட்டது. பின்னர் மீண்டும் ஆடத்தொடங்கிய போது மறுபடியும் மழை காரணமாக ஆட்டம் தடைபட்டது.

இந்த முறை விஜய் 99 ரன்களில் ஆட்டமிழக்காமல் இருந்தார். இதில் 14 பௌண்டரிகள் மற்றும் 1 சிக்ஸர் அடங்கும். மறுமுனையில் ராகுல் 44 ரன்கள் எடுத்து களத்தில் இருந்தார். அதன்பின் மழை பெய்து ஆட்டம் தடைபட்டது. மீண்டும் போட்டி தொடங்கிய பின் காத்திருக்காமல், சதம் அடித்தார்.

தற்போது 15 பவுண்டரி, 1 சிக்ஸ் என்ற 105 ரன்களுடன் விளையாடி வருகிறார்.கடந்த சில நாட்களாகவே பெங்களுருவில் அவ்வப்போது மழை பெய்து கொண்டுதான் இருக்கின்றது. இன்று ஆப்கானிஸ்தானுக்கு எதிரான போட்டியிலும் மழை வந்து நடனமாடி விட்டது.