சாம்பியன் மாதிரி விளையாடுறாங்களே... ஆச்சரியப்படுகிறார் அப்துல் காதிர்!

By Sutha

Published: Friday, June 14, 2013, 15:35 [IST]

டெல்லி: சாம்பியன்ஸ் டிராபி போட்டியில் பாகிஸ்தானுடனான போட்டியில் இந்தியா வெல்லவே அதிக வாய்ப்புகள் உள்ளதாக முன்னாள் பாகிஸ்தான் சுழற்பந்து ஜாம்பவான் அப்துல் காதிர் கூறியுள்ளார்.

சாம்பியன்ஸ் டிராபி தொடரில் இந்தியா முதல் அணியாக அரை இறுதிக்குள் ஏற்கனவே நுழைந்து விட்டது.

பி பிரிவில் அரை இறுதிக்குள் நுழையும் 2வது அணி யார் என்பது இன்று தெரியும். இந்தியாவுக்கு இன்னும் ஒரு லீக் போட்டி உள்ளது. அது பாகிஸ்தானுடன். இந்தப் போட்டியின் வெற்றி, தோல்வி இந்தியாவைப் பாதிக்காது.

இந்த நிலையில் இப்போட்டியில் இந்தியா வெல்லவே வாய்ப்பு அதிகம் இருப்பதாக கூறியுள்ளார் அப்துல் காதிர். இதுகுறித்து அவர் கூறியிருப்பதாவது....

பேட்டிங் பக்கா...

இந்தியாவின் பேட்டிங் பக்காவாக இருக்கிறது.வலிமையாக இருக்கிறது. பாகிஸ்தானை விட சிறப்பாக உள்ளனர்.

சாம்பியன் மாதிரி விளையாடுறாங்களே...

இந்திய வீரர்கள் சாம்பியன் போல விளையாடுகிறார்கள். இறுதிப் போட்டிக்கும் இந்தியா போகும் என்றே கருதுகிறேன்.

சச்சின் இல்லாமல் சாதிப்பது பெரிய விஷயம்

சச்சின், டிராவிட், ஷேவாக், கம்பீர் என முக்கியமான வீரர்கள் இல்லாத நிலையிலும் இந்தியா சிறப்பாக ஆடுவது ஆச்சரியமானது, முக்கியமானது. பேட்டிங்தான் இந்தியாவின் பெரும் பலமாகும்.