டாஸ்
டாஸ் வென்று முதலில் பந்தவீசும் அணியே வெற்றி பெறுகிறது. இதனால் டாஸ் நாளைய போட்டியில் பெரும் முக்கியத்துவம் பெரும். இலங்கை அணி கேப்டன் ஷனாகாவுக்கு ஆதரவாக தான் சூப்பர் 4 சுற்றில் டாஸ் விழுந்தது. இதனால் இன்னும் ஒரு முறை அவருக்கு லக் அடிக்குமா என்று பொறுத்திருந்து பார்க்கலாம். இலங்கை அணியில் அசலங்காவுக்கு பதில் தனஞ்செய்யாவே விளையாடுவார் என எதிர்பார்க்கப்படுகிறது.
அதிரடி ஆட்டம்
இதே போன்று இலங்கை அணியின் வெற்றிக்கு காரணம், அவர்களுடைய பயம் அறியாத அதிரடி ஆட்டம் தான். இதனால் நாளைய போட்டியிலும் அதனை அவர்கள் கடைப்பிடித்தால் பாகிஸ்தானுக்கு அது சிக்கலை ஏற்படுத்தும். பாகிஸ்தான் அணியை பொறுத்தவரை, நேற்றைய ஆட்டத்தில் ஓய்வு வழங்கப்பட்டு இருந்த ஷதாப் கான், நஷிம் ஷா அணிக்கு திரும்புவதால், அந்த அணியின் பலம் அதிகரிக்கும்.
பாகிஸ்தான் குறை
பாபர் அசாம் தொடர்ந்து ஆசிய கோப்பை தொடரில் சொதப்பி வருகிறார். இதனால் நாளைய ஆட்டத்திலாவது அவர் அதிரடியை காட்ட வேண்டும். முகமது ரிஸ்வானை நம்பியே அந்த அணியின் பேட்டிங் உள்ளது. இதனால், நடுவரிசை வீரர்களும் ஒரு அளவிற்கு கைக் கொடுத்தால் மட்டுமே இலங்கைக்கு நெருக்கடி தர முடியும். ஹசரங்கா பாகிஸ்தானுக்கு எதிராக டி20 போட்டியில் 16 ஓவர்கள் வீசி 11 விக்கெட் வீழ்த்தி இருக்கிறார். இதனால், அவரை சமாளிப்பது கொஞ்சம் சிக்கலை கொடுக்கும்.
பிளேயிங் லெவன்
பாகிஸ்தான் 1, பாபர் அசாம், 2, முகமது ரிஸ்வான், 3, ஃபக்கர் ஷமான், 4, இஃபதிகார் அகமது, 5, குஷ்தில் ஷா, 6ஆசிப் அலி, 7, முகமது நவாஸ், 8, ஷதாப் கான், 9, ஹாரிஸ் ரவுஃப், 10. நஷிம் ஷா, 11, முகமது ஹஸ்னாயின்.
இலங்கை 1, நிசாங்கா, 2, குசேல் மெண்டிஸ், 3, தனஞ்செய்யா, 4, குணதிலாகா, 5, ராஜபக்சா, 6, ஷனாகா, 7. ஹசரங்கா, 8, கருணரத்னே, 9, பிரேமோம், 10. தீக்சனா, 11, மதுசங்கா