நாளை முதல் சாம்பியன்ஸ் டிராபி.. முதல் போட்டியில் வங்கதேசத்துடன் இங்கிலாந்து மோதல்

இந்தியாவிடம் சுருண்ட வங்கதேசம்

இதேபோல் ஓவல் மைதானத்தில் நடைபெற்ற போட்டியில் இந்தியா 324 ரன்கள் குவித்திருந்த நிலையில் பங்களாதேஷ் அணி 84 ரன்களுக்கு சுருண்டது. 240 ரன்கள் வித்தியாசத்தில் இந்தியா வெற்றி பெற்றது.

நாளை தொடக்கம்

இந்நிலையில் 8-வது சாம்பியன்ஸ் கோப்பை கிரிக்கெட் போட்டி இங்கிலாந்தில் நாளை முதல் 18-ந் தேதி வரை நடக்கிறது. இதன் முதல் போட்டியில் இங்கிலாந்து - வங்கதேசம் அணிகள் மோதுகின்றன.

8 அணிகள் மோதல்

சாம்பயின்ஸ் கோப்பை போட்டியில் பங்கேற்கும் 8 அணிகள் இரண்டு பிரிவாக பிரிக்கப்பட்டுள்ளன. ஏ பிரிவில் இங்கிலாந்து, வங்காளதேசம், ஆஸ்திரேலியா, நியூசிலாந்து அணிகளும், பி பிரிவில் நடப்பு சாம்பியன் இந்தியா, பாகிஸ்தான், தென்ஆப்பிரிக்கா, இலங்கை அணிகளும் இடம் பிடித்துள்ளன.

அரையிறுதிக்கு 4 அணிகள்

ஒவ்வொரு அணியும், தங்கள் பிரிவில் உள்ள மற்ற அணியுடன் தலா ஒரு முறை மோத வேண்டும். லீக் ஆட்டங்கள் முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் அரையிறுதி சுற்றுக்கு தகுதி பெறும்.

இங்கிலாந்து-வங்கதேசம் மோதல்

நாளை பிற்பகல் 3 மணிக்கு நடைபெறும் தொடக்க லீக் ஆட்டத்தில் இங்கிலாந்து- வங்கதேசம் அணிகள் மோதுகின்றன. இந்திய அணி 4ஆம் தேதி பரம எதிரியான பாகிஸ்தானை எதிர்கொள்கிறது.

ரசிகர்கள் எதிர்ப்பார்ப்பு

இதைத்தொடர்ந்து 8 ஆம் தேதி இலங்கையையும், 11-ந் தேதி தென்ஆப்பிரிக்காவையும் எதிர்கொள்கிறது. முன்னதாக நடைபெற்ற பயிற்சி ஆட்டங்களில் இந்திய அணி சிறப்பாக செயல்பட்டுள்ளதால் இந்தியா மீண்டும் கோப்பையை வெல்லும் என ரசிகர்கள் மிகுந்த எதிர்பார்ப்பில் உள்ளனர்.