தொடக்கமே அதிர்ச்சி
தொடக்க வீரர்களாக களமிறங்கிய கேப்டன் கே.எல்.ராகுல் 54 பந்துகளில் 22 ரன்களை மட்டுமே எடுத்து அதிர்ச்சி கொடுத்தார். மற்றொரு ஓப்பனர் சுப்மன் கில் 20 ரன்களுக்கெல்லாம் அவுட்டானார். இதன் பின்னர் வந்த நட்சத்திர வீரர் விராட் கோலி வெறும் 1 ரன்னுக்கு துரதிஷ்டவமாக விக்கெட்டை பறிகொடுத்தார். இதனால் இந்திய அணி 478 ரன்களுக்கெல்லாம் 3 விக்கெட்களை இழந்து தடுமாறியது.
புஜாராவின் இன்னிங்ஸ்
அப்போது மறுமுணையில் இருந்த சட்டீஸ்வர் புஜாரா அணியை மீட்டுக்கொண்டு வந்தார். தனக்கே உரிய பாணியில் தூண் போல நிலைத்து நின்று ஆடிய புஜாரா 203 பந்துகளில் 11 பவுண்டரிகளுடன் 90 ரன்களை குவித்தார். எனினும் துரதிஷ்டவசமாக அவரால் சதத்தை பூர்த்தி செய்ய முடியவில்லை. தாய்ஜுல் இஸ்லாம் வீசிய பந்தில் எதிர்பாராவிதமாக அவுட்டாகினார்.
புதிய சாதனை படைப்பு
இந்நிலையில் இந்த ரன்குவிப்பின் மூலம் அவர் புதிய சாதனையை படைத்துள்ளார். அதாவது, சர்வதேச டெஸ்ட் கிரிக்கெட்டில் அதிக ரன்களை அடித்த இந்திய வீரர்களின் பட்டியலில் புஜாரா 8வது இடத்திற்கு முன்னேறியுள்ளார். முன்னாள் கேப்டன் திலிப் வெங்சர்கார் 116 டெஸ்ட் போட்டிகளில் விளையாடி 6,868 ரன்களை குவித்து 8வது இடத்தில் இருந்து வந்தார். ஆனால் புஜாரா தற்போது 6,882 ரன்களுடன் அவரை முந்தியுள்ளார்.
அதிக ரன்கள் அடித்தவர்கள்
இந்திய அணிக்காக டெஸ்ட் கிரிக்கெட்டில் அதிக ரன்களை அடித்த வீரர்களின் பட்டியல்
சச்சின் டெண்டுல்கர் - 15,921 ரன்கள்
ராகுல் டிராவிட் - 13, 265 ரன்கள்
சுனில் கவாஸ்கர் - 10,122 ரன்கள்
வி.வி.எஸ்.லக்ஷ்மண் - 8,781 ரன்கள்
விரேந்தர் சேவாக் - 8,503 ரன்கள்
விராட் கோலி - 8,075 ரன்கள்
சவுரவ் கங்குலி - 7,212 ரன்கள்
சட்டீஸ்வர் புஜாரா - 6,882 ரன்கள்
முதல் நாளின் முடிவு
ஒருபுறம் விக்கெட்கள் விழுந்தாலும் மறுமுணையில் புஜாராவின் சிறப்பான ஆட்டத்தால் 48 ரன்களுக்கு 3 விக்கெட்கள் என இருந்த இந்திய அணி 261 ரன்களுக்கு 5 விக்கெட்கள் என வலுவான நிலைக்கு சென்றது. இதனால் முதல் நாள் முடிவில் இந்திய அணி 6 விக்கெட்கள் இழப்புக்கு 278 ரன்களை குவித்துள்ளது. புஜாராவுக்கு உறுதுணையாக நின்று ஆடிய ஸ்ரேயாஸ் ஐயர் தற்போது 82 ரன்களுடன் களத்தில் உள்ளார்.