ஹேப்பி ரிடையர்மென்ட் ஜாகீர்... ஓய்வு பெற்ற ஜாகீர் கானுக்கு கிரிக்கெட் பிரபலங்கள் புகழாரம்

கிங் ஆப் கிரிக்கெட்:

டெஸ்ட் போட்டிகளில் கிட்டதட்ட 311 விக்கெட்டுகளைச் சாய்த்துள்ளார். ஒருநாள் போட்டிகளில் 282 விக்கெட்டுகளையும், டி20யில் 17 விக்கெட்டுகளையும் வீழ்த்தியுள்ளார். உலகின் நம்பர் 1 வேகப்பந்து வீச்சாளரான தென் ஆப்ரிக்காவின் டேல் ஸ்டெய்ன் ஜாகீரை "கிங்" என்று வர்ணித்துள்ளார்.

ரசிக்க வைத்த பந்துவீச்சு:

ரோஹித் சர்மா வெளியிட்டுள்ள டிவிட்டில், "உங்களுடைய ஒவ்வொரு பந்து வீச்சையும் நான் ரசித்திருக்கின்றேன். எல்லாவற்றையும் தாண்டி ஒரு நல்ல தோழன் எனக்கு நீங்கள். ஹேப்பி ரிடையர்மெண்ட் ஜாகீர்" என்று தெரிவித்துள்ளார்.

ஒத்துழைப்புக்கு நன்றி:

இந்திய கிரிக்கெட் வாரியமும் ஜாகீருக்கு வாழ்த்து தெரிவித்துள்ளது. இதுகுறித்து பிசிசிஐ, "உங்களுடைய அனைத்து திறமையான ஒத்துழைப்பிற்கும் நன்றி" என்று தனது டிவிட்டில் தெரிவித்துள்ளது.

வாழ்த்துக்கள் ஜாகீர்:

இந்திய டெஸ்ட் கேப்டன் விராத் கோஹ்லி கூறுகையில்,, "ஒரு தலைசிறந்த வேகப்பந்து வீச்சாளர். உங்களுடைய எதிர்கால திட்டங்களுக்கு என் மனமார்ந்த வாழ்த்துக்கள்" என்று தெரிவித்துள்ளார்.

இளம் வீரர்களை உருவாக்க வேண்டும்:

விவிஎஸ் லக்‌ஷ்மன், "உங்களுடைய அருமையான கிரிக்கெட் வாழ்க்கைக்கு வாழ்த்துக்கள். உங்களுடன் இணைந்து பணியாற்றியது பெரும் மகிழ்ச்சி. இந்திய கிரிக்கெட் உலகில் இளம் வேகப்பந்து வீச்சாளர்களை உருவாக்க உங்களுடைய பணி தொடர வேண்டும் ஜாகீர்" என்று தெரிவித்துள்ளார்.

எதிர்காலம் சிறக்கட்டும்:

அனில் கும்ப்ளே, "சிறந்த அனுபவம் உங்களுடன் விளையாடியது. எதிர்காலம் சிறக்க வாழ்த்துக்கள்" என்று தெரிவித்துள்ளார்.

மனதுக்கு பிடித்த கிங்:

டேல் ஸ்டெய்ன், " நீங்கள் ஒரு கிங் ஜாக். எப்போதுமே எனக்கு மிகவும் பிடித்தவர் நீங்கள். சிறந்த எதிர்காலத்திற்கு என் மனமார்ந்த வாழ்த்துக்கள்" என்று தெரிவித்துள்ளார்.