கெளதம் கம்பீருக்கு விரைவில் கல்யாணம்!

டெல்லி: இந்திய கிரிக்கெட் அணியின் முக்கியப் பேட்ஸ்மேன் கெளதம் கம்பீர் விரைவில் பேச்சலர் வாழ்க்கைக்கு விடை கொடுக்கவுள்ளார். வருகிற நவம்பர் மாதம் அவருக்கும், டெல்லியைச் சேர்ந்த நதாஷா ஜெயின் என்பவருக்கும் திருமணம் நடைபெறவுள்ளது.

டெல்லியைச் சேர்ந்தவர் கம்பீர். இந்திய கிரிக்கெட் அணியின் தொடக்க ஆட்டக்காரராக இருக்கிறார். சமீப காலமாக காயம் காரணமாக அவர் சரிவர விளையாட முடியாமல் இருக்கிறார். இந்த நிலையில், அவருக்குத் திருமணம் நிச்சயமாகியுள்ளது.

மணப்பெண் நதாஷா ஜெயின். இவரும் டெல்லியைச் சேர்ந்தவர்தான். நவம்பர் மாதம் இவர்களது திருமணம் நடைபெறவுள்ளது.

மணமக்களின் திருமண உடைகளை டெல்லியைச் சேர்ந்த சாந்தனு, நிகில் ஆகிய இரு டிசைனர்களும் வடிவமைக்கவுள்ளனராம்.