Click it and Unblock the Notifications
பேட்ஸ்மேன்கள்
பேட்ஸ்மேன்களின் தரவரிசை பட்டியலில் மயங்க் அகர்வால் 11வது இடத்தை பிடித்து அசத்தியுள்ளார். நியூசிலாந்துக்கு எதிரான 2வது டெஸ்டில் 150, 62 என ரன்களை குவித்த மயங்க் அகர்வால், தரவரிசையில் 41ஆவது இடத்தில் இருந்து 11ஆவது இடத்திற்கு வேகமாக உயர்ந்துள்ளார். இந்த பட்டியலில் ஜோ ரூட் 903 புள்ளிகளுடன் முதலிடத்திலும், ஸ்டீவ் ஸ்மித் 891 புள்ளிகளுடன் 2வது இடத்திலும் உள்ளனர். இந்திய வீரர்கள் ரோகித் சர்மா 5வது இடத்திலும் விராட் கோலி 6வது இடத்திலும் உள்ளனர்.
பந்துவீச்சாளர்கள் தரவரிசை
பந்துவீச்சாளர்களின் தரவரிசைப்பட்டியலை பொறுத்தவரை ஆஸ்திரேலியாவின் பேட் கம்மின்ஸ் 908 புள்ளிகளுடன் முதலிடத்தை பிடித்துள்ளார். நியூசிலாந்துக்கு எதிராக கலக்கிய இந்திய ஸ்பின்னர் ரவிச்சந்திரன் அஸ்வின் 883 புள்ளிகளுடன் 2வது இடத்திற்கு முன்னேறியுள்ளார். மேலும், இந்தியாவுக்கு எதிராக முதல் இன்னிங்ஸில் 10 விக்கெட்டுகளை வீழ்த்திய நியூசிலாந்து பௌலர் அஜாஸ் படேல் 62ஆவது இடத்தில் இருந்து 38ஆவது இடத்திற்கு முன்னேறி வந்துள்ளார்.
ஆல்ரவுண்டர்கள் வரிசை
ஆல்ரவுண்டர்கள் தரவரிசையும் வெளியிடப்பட்டுள்ளது. அதில், வெஸ்ட் இண்டீஸ் அணியின் ஜேசன் ஹோல்டர் 382 புள்ளிகளுடன் முதல் இடத்தில் உள்ளார். இதிலும் ரவிச்சந்திரன் அஸ்வின் 360 புள்ளிகளை பெற்று 2வது இடத்திற்கு முன்னேற்றம் கண்டுள்ளார். ஏற்கனவே 2வது இடத்தில் இருந்த ஜடேஜா தற்போது 4வது இடத்திற்கு பின் தங்கியுள்ளார்.
Recommended Video
டெஸ்ட் சாம்பியன்ஷிப்
இதே போல டெஸ்ட் சாம்பியன்ஷிப் தொடருக்கான புதிய புள்ளிப்பட்டியலும் வெளியிடப்பட்டுள்ளது. இதில் இலங்கை அணி 100 புள்ளிகளுடன் முதலிடத்தில் உள்ளது. 75 புள்ளிகளுடன் பாகிஸ்தான் அணியும், 58.32 புள்ளிகளுடன் 3வது இடத்தையும் பிடித்துள்ளது குறிப்பிடத்தக்கது.
