எல்லா புகழும் ஒருவருக்கே
இந்திய இளம் அணி பதற்றமேயின்றி, நேர்த்தியாக ஆடுவதன் பின்னணியில் பயிற்சியாளர் ராகுல் டிராவிட் உள்ளார் என அனைத்து பிரபலங்களும் வாழ்த்துக்களை ஒரு சேர கூறி வருகிறார்கள். ஜூனியர் அணி வீரர்களும் கூட அதையேதான் வழி மொழிகிறார்கள். எதிர்கால இந்திய அணி பாதுகாப்பான கரங்களில்தான் உள்ளது என நெட்டிசன்களும் டிராவிட்டை புகழ்ந்து வருகிறார்கள்.
புதிய சாதனை
4 முறை உலக கோப்பையை வென்ற ஒரே ஜூனியர் அணி இந்திய அணிதான் என்ற பெருமையை இந்த வெற்றி ஈட்டிக் கொடுத்துள்ளது. 2000, 2008, 2012 மற்றும் 2018 ஆகிய வருடங்களில் இந்திய அணி ஜூனியர் உலக கோப்பையை வென்றுள்ளது. மற்ற தொடர்களிலும் தனது முத்திரையை பதிக்க தவறவில்லை. இந்திய அணிக்கு பிறகு ஆஸ்திரேலியா அதிகபட்சமாக 3 முறையும், பாகிஸ்தான் இரு முறையும், இங்கிலாந்து, தென் ஆப்பிரிக்கா மற்றும் மேற்கு இந்திய தீவுகள் தலா 1 முறையும் கோப்பையை வென்றுள்ளன.
|
அடுத்த கோஹ்லி தயார்
இந்திய அணியின் கேப்டனாக இந்த தொடரில் வெற்றிகரமாக செயல்பட்டவர் பிரிதிவி ஷா. தொடர் நாயகன் விருதை பெற்றுள்ளவர் இந்தியாவின் அடுத்த கோஹ்லி என புகழப்படும் சுப்மேன் கில். இந்த தொடரில் 3 அரை சதங்கள், ஒரு சதம் விளாசிய அவர், பைனலில் 31 ரன்கள் எடுத்து அணிக்கு உதவினார். இத் தொடரில் அவர் மொத்தம் விளாசியது 372 ரன்களாகும்.
|
கலக்கல் நாயகர்கள்
2000 உலக கோப்பையில் யுவராஜ்சிங், 2004ல் தவான், 2006ல் புஜாரா ஆகியோர் முன்னதாக இந்தியா சார்பில் ஜூனியர் உலக கோப்பையில் தொடர் நாயகன் பட்டம் வென்றவர்கள். இவர்கள் அனைவருமே இந்திய அணியிலும் சாதனை முத்திரை படைத்தவர்கள் என்பது குறிப்பிடத்தக்கது.