அதே மாதிரி சிக்ஸ்.. அதே மாதிரி அவுட்.. என்னப்பா நடக்குது இங்க.. மெய் சிலிர்க்க வைத்த ரோகித் ஷர்மா

அப்பர் கட்

அப்போது, உலகின் அதிவேக பந்து வீச்சாளர் அக்தர் பந்தை, ஆப்சைடில், அப்பர்-கட் அடித்து, சச்சின் டெண்டுல்கர் சிக்சருக்கு அனுப்பிய காட்சி இன்னும் பல ரசிகர்கள் கண்களில் இருந்து மறையவில்லை. 6 விக்கெட்டுகள் வித்தியாசத்தில், அபார வெற்றி பெற்றது இந்தியா.

ரோகித் இன்று

2வது ஓவரை அக்தர் வீசியபோது, மணிக்கு சுமார் 151 கி.மீ வேகத்தில் வந்த பந்தை அப்பர் கட் அடித்து சிக்சர் அனுப்பினார் சச்சின். இதை ஏன் இப்போது சொல்கிறோம் என்றால், இன்று, மான்செஸ்டர் நகரில் நடைபெறும் இந்தியா-பாகிஸ்தான் கிரிக்கெட் போட்டியிலும் அதேபோன்ற ஒரு சிக்சர் விளாசப்பட்டது. இப்போது ரோகித் ஷர்மா அதைச் செய்தார்.

கொண்டாட்டம்

27வது ஓவரை ஹசன் வீசியபோது, ஆப்சைடில் அப்பர் கட் சிக்சர் விளாசினார், ரோகித். இதை நெட்டிசன்கள், சச்சின் சிக்சரோடு ஒப்பிட்டு கொண்டாடி வருகிறார்கள். இதேபோல, ஹசன் பந்தில் 39வது ஓவரில், ஸ்கூப் ஷாட் அடித்து வகாப்பிடம் ஷார்ட் ஃபைன் லெக்கில் கேட்ச் கொடுத்து அவுட்டானார்.

அவுட்டும் அதேபோல

2007ம் ஆண்டு, டி20 உலக கோப்பை இறுதிப் போட்டியில், இந்தியாவுக்கு எதிராக சிறப்பாக விளையாடினார் மிஸ்பா உல் ஹக். ஆனால், ஜொகிந்தர் ஷர்மா வீசிய பந்தை, இப்படித்தான் ஸ்கூப் ஷாட் அடித்து, ஷார்ட் ஃபைன் லெக்கில் நின்ற, ஸ்ரீசாந்த்திடம் கொடுத்து அவுட்டானார். ரோகித் சிக்சர் விளாசியது, சச்சினையும், அவுட்டானது மிஸ்பா உல் ஹக்கையும் நினைவுபடுத்துவதாக இருந்தது. இரண்டுமே, உலக கோப்பை தொடரில், இந்தியா-பாகிஸ்தான் போட்டிகளின்போது நடந்தவை என்பது குறிப்பிடத்தக்கது.