Click it and Unblock the Notifications
ஷிகர் தவான்
ஷிகர் தவான் 2020 ஐபிஎல் தொடரின் துவக்கத்தில் ஒவ்வொரு போட்டியிலும் ரன் எடுத்தாலும் மிகவும் நிதான ஆட்டம் ஆடி வந்தார். அவரால் மற்ற டெல்லி வீரர்களுக்கு பேட்டிங்கில் அழுத்தம் ஏற்பட்டு வந்தது. எனினும், பாதி தொடரில் தன் ஆட்டத்தை மாற்றி, அதிரடியாக ரன் குவித்தார்.
செஞ்சுரி, டக் அவுட்கள்
இரண்டு போட்டிகளில் அடுத்தடுத்து சதம் அடித்து மிரள வைத்த தவான், அடுத்து இரண்டு போட்டிகளில் அடுத்தடுத்து டக் அவுட் ஆகி வெறுப்பேற்றினார். ஒரே சீசனில் நான்கு முறை டக் அவுட் ஆனார். ஆனாலும், துவக்கத்தில் ஆட்டமிழக்காமல் நின்றால், பெரிய அளவில் ரன் குவித்து வந்தார்.
603 ரன்
இந்த சீசனில் இரண்டு சதம், நான்கு அரைசதம் அடித்து 603 ரன்கள் குவித்துள்ளார் தவான். டெல்லி அணிக்கு எதிரான பிளே-ஆஃப் போட்டியில் 78 ரன்கள் குவித்த அவர் இந்த மைல்கல்லை எட்டி சாதனை படைத்தார். இதுவே தவான் ஒரு ஐபிஎல் சீசனில் எடுக்கும் அதிகபட்ச ரன்கள்.
பிளே-ஆஃப்பில் சாதனை
மேலும், இதுவரை 14 பிளே-ஆஃப் இன்னிங்க்ஸில் தவான் 194 ரன்கள் மட்டுமே எடுத்துள்ளார். அவரது அதிகபட்ச ஸ்கோர் 34 மட்டுமே. அந்த சோகத்தை தீர்த்த தவான் இந்த முறை 50 பந்துகளில் 78 ரன்கள் குவித்து அசத்தினார்.
இரண்டாவது
இந்த சீசனில் அதிக ரன் குவித்த வீரர்கள் பட்டியலில் கேஎல் ராகுலுக்கு அடுத்த இடத்தை பிடித்துள்ளார். கேஎல் ராகுல் 14 போட்டிகளில் 670 ரன்கள் குவித்துள்ளார். தவான் 16 போட்டிகளில் 603 ரன்கள் குவித்துள்ளார். ஐபிஎல் வரலாற்றில் முதல்முறையாக 600 ரன்களை கடந்துள்ளார் தவான்.
டெல்லி ஸ்கோர்
இந்தப் போட்டியில் டெல்லி அணி 20 ஓவர்களில் 189 ரன்கள் குவித்தது. தவான் 78, ஹெட்மயர் 42, ஸ்டோய்னிஸ் 38 ரன்கள் குவித்தனர். ஹைதராபாத் அணி பந்துவீச்சில் மோசமாக செயல்பட்டது. தவான் ஆட்டத்தால் இந்தப் போட்டியில் டெல்லி அணி ஆதிக்கம் செலுத்தியது.
Continue with Google