வில்லியம்சன்
ஆடுகளம் சுழற்பந்துவீச்சுக்கு சாதகமாக செயல்பட, முதலில் வில்லியம்சன் அணி பேட்டிங் செய்தது. கடந்ந நவம்பர் மாதம் ஓய்வில் இருந்த வில்லியம்சன், 4 மாதங்களுக்கு பிறகு களத்துக்கு திரும்பினார். வில்லியம்சன் மற்றும் பிரியாம் கார்க் ஆகியோர் தொடக்க வீரராக களமிறங்கினர்.
147 ரன்கள்
10 ஓவர் முடிவில் வில்லியம்சன் அணி 2 விக்கெட்டுகளை இழந்து 63 ரன்கள் தான் எடுத்தது. இதனையடுத்து இறுதியில் வாசிங்டன் சுந்தர் மற்றும் ராகுல் திரிபாதி அதிரடியாக விளையாடினர். இதில் திரிபாதி 41 ரன்கள் எடுக்க, வில்லியம்சன் அணி 147 ரன்கள் மட்டுமே எடுத்தது.இதில் புவனேஸ்வர் குமார் அபாரமாக பந்துவீசி 2 விக்கெட்டுகளை வீழ்த்தினார்.
|
அதிரடி தொடக்கம்
148 ரன்கள் எடுத்தால் வெற்றி என்ற இலக்குடன் புவனேஸ்வர் குமார் அணி களமிறங்கியது. தொடக்க வீரராக சம்ராத் மற்றும் அபிஷேக் சர்மா களமிறங்கினர். இருவரும் அதிரடியாக விளையாட முதல் 5 ஓவரிலேயே 51 ரன்கள் குவித்தனர். இதன் மூலம் 10 ஓவர் அந்த அணி 94 ரன்கள் எடுத்து 2 விக்கெட்டுகளை எடுத்தது.
பூரான் அதிரடி
வெஸ்ட் இண்டீஸ் வீரர் பூரான் அபாரமாக செயல்பட்டு ரன்களை குவித்தார். 30 பந்துகளில் 45 ரன்கள் பூரான் விளாசினார். இதில் 2 இமாலய சிக்சர்கள் அடங்கும். இதனால் 15வது ஓவரிலேயே புவனேஸ்வர் குமார் அணி வெற்றி இலக்கை எட்டியது. இந்த பயிற்சி ஆட்டத்தில் சிறப்பாக செயல்பட்ட வீரர்கள் பிளேயிங் லெவனில் இடம்பெறுவார்கள்.