இஷான் கிஷன்
U-19 கிரிக்கெட்டில் விளையாடி புகழ் பெற்றவர் இஷான் கிஷன். இவர் குஜராத் அணிக்காக முதல் சீசனில் விளையாடினார். 2018ஆம் ஆண்டு நடைபெற்ற மெகா ஏலத்தில் இஷான் கிஷனை தேர்வு செய்ய மும்பை அணிக்கும், சென்னை அணிக்கும் கடும் போட்டி நிலவியது. இதில் 40 லட்சம் ரூபாயாக இருந்த அவரது அடிப்படை விலை 6.2 கோடி வரை சென்று இஷான் கிஷனை மும்பை வென்றது.
பொலார்ட்
சாம்பியன்ஸ் லீக் இருபது ஓவர் தொடரில் பொலார்ட், தனது அதிரடி ஆட்டத்தை வெளிப்படுத்திய பிறகு 2010ஆம் ஆண்டு பொலார்டை எடுக்க கடும் போட்டி நிலவியது. இதில் சென்னை, மும்பை, பெங்களுரு, கொல்கத்தா ஆகிய அணிகளும் பொலார்டை வாங்க அதிகபட்ச தொகையை தருவதாக கூறினர். இதனையடுத்து, நான்கு அணியும் தனி தனியே ரகசிய விலையை ஏலத்தில் வழங்க, அதில் மும்பை அணி பொலார்டை வென்றது.
பிளன்டாப்
2009ஆம் ஆண்டு நடைபெற்ற ஐ.பி.எல். ஏலத்தில் ஆல் ரவுண்டர் பிளன்டாப் பங்கேற்றார். இவரை வாங்க சென்னை அணியும், மும்பை அணியும் கடுமையாக போட்டி போட, ரகசிய விலை நிர்ணயிக்கும் முறையில் சென்னை அணி பிளன்டாப்பை தட்டி சென்றது. ஆனால் பிளன்டாப்க்கு காயம் ஏற்பட, சென்னை அணிக்கு அது பெரும் பின்னடைவை ஏற்படுத்தியது
தோனி
2008ஆம் ஆண்டு நடைபெற்ற முதல் ஏலத்தில் தோனியை தேர்வு செய்ய சென்னை, மும்பை அணிகளுக்கு இடையே கடும் போட்டி நிலவியது. மொத்தமே ஏலத்திற்கு 20 கோடி தான் ஒவ்வொரு அணியால் செலவு செய்ய முடியும். அதிகபட்சமாக வீரருக்கு ஆறரை கோடி தான் ஊதியம் வழங்கப்பட வேண்டும். அப்போது தோனிக்கு இரு அணியுமே ஆறரை கோடி வழங்கிய நிலையில், ரகசிய விலையை ஏலத்தின் போது இரு அணிகளும் தனி தனியாக பி.சி.சி.ஐ.யிடம் வழங்க, அதில் சென்னை அணி வெற்றி பெற்றது.