ஐபிஎல் 2017: முதல் முறையாக இறுதிப் போட்டியில் நுழைந்த புனே கோப்பையை வெல்லுமா?

புனே அணி இறுதிக்கு தகுதி

முதல் 2 இடங்களை பிடித்த மும்பை - புனே அணிகள் இறுதிப் போட்டிக்கான முதல் தகுதி சுற்றில் மோதின. இதில் புனே 20 ரன் வித்தியாசத்தில் வெற்றி பெற்று முதல் முறையாக இறுதிப் போட்டிக்கு தகுதி பெற்றது. வெளியேறுதல் சுற்று ஆட்டத்தில் 3 வது இடத்தை பிடித்த ஐதராபாத், 4 வது இடத்தை பிடித்த கொல்கத்தா அணிகள் மோதின. இதில் கொல்கத்தா 7 விக்கெட்டில் வென்றது.

மும்பையும் இறுதி

இதையடுத்து நடந்த 2-வது தகுதி சுற்று ஆட்டத்தில் கொல்கத்தாவை 6 விக்கெட் வித்தியாசத்தில் வீழ்த்தி மும்பை இறுதிப் போட்டிக்குள் நுழைந்தது. 2 முறை சாம்பியனான மும்பை இறுதிப் போட்டிக்கு தகுதி பெறுவது இது 4 வது முறையாகும்.

கோப்பை யாருக்கு

ஐ.பி.எல். கோப்பை யாருக்கு என்பதை நிர்ணயிக்கும் இறுதிப் போட்டி இன்று இரவு 8 மணிக்கு ஐதராபாத்தில் நடக்கிறது. இதில் ரோகித் சர்மா தலைமையிலான மும்பை இந்தியன்ஸ் - ஸ்டீவன் சுமித் தலைமையிலான ரைசிங் புனே சூப்பர் ஜெயிண்ட்ஸ் அணிகள் பலப்பரீட்சை நடத்துகின்றன.

புனே -டோணி

இங்கிலாந்து வீரர் பென் ஸ்டோக்ஸ் சர்வதேச போட்டிக்கு சென்று விட்டதால் புனேக்கு பின்னடைவாக கருதப்பட்டாலும் அதை சமாளித்து விளையாடுகிறார்கள். டோனியின் அனுபவம் ஆலோசனை புனே அணிக்கு உதவிகரமாக இருக்கிறது என்கிறார்கள் கிரிக்கெட் ரசிகர்கள்.