ரன் வேட்டை
இதன் பின்னர் ராபின்சன் 37 ரன்களும்,வில் ஜாக் 30 ரன்களும் எடுக்க இங்கிலாந்து அணி முதல் இன்னிங்சில் 657 ரன்கள் எடுத்து அனைத்து விக்கெட்டுகளையும் இழந்தது. பேட்டிங்கிற்கு சாதகமான மைதானம் என்பதால் பந்தின் எந்த உயிரும் இல்லை. இதனால், பாகிஸ்தான் அணியும் அதிரடியாக விளையாடி விக்கெட்டுகளை இழக்காமல் ரன்களை சேர்த்து வருகிறது. தொடக்க வீரர்கள் அப்துல்லாஹ் ஷபிக் 89 ரன்களும் , இமாம் உல் ஹக் 90 ரன்களும் குவிக்க ஆட்டநேரம் முடிவில் பாகிஸ்தான அணி விக்கெட் இழப்பின்றி 181 ரன்கள் எடுத்தது.
ஜோ ரூட் சாதனை
இந்த நிலையில் ராவல்பிண்டி நகரில் நடைபெற்ற டெஸ்ட் போட்டியில் இங்கிலாந்து வீரர் ஜோ ரூட் புதிய சாதனைக்கு சொந்தக்காரர் ஆனார். முதல் இன்னிங்ஸில் ஜோ ரூட் 23 ரன்கள் சேர்த்து சதம் அடிக்கும் வாய்ப்பை வீணடித்தார். இருப்பினும், அவர் 9 ரன்கள் கடந்த போது, . ஐந்து அணிகளுக்கு மேல் பங்கேற்கும் சர்வதேச தொடரில் அதிக ரன்கள் அடித்த வீரர் என்ற பெருமையை ஜோ ரூட் படைத்தார்.
விராட் கோலி முதலிடம்
அதாவது, World test championship, ,டி20 உலக கோப்பை, ஒரு நாள் உலகக்கோப்பை ,ஆசிய கோப்பை மற்றும் World super League (50 ஓவர் உலககோப்பைக்கான தகுதிச் சுற்று) என அனைத்து தொடர்களையும் சேர்த்து விராட் கோலி 114 போட்டிகள் விளையாடி 5017 ரன்களை குவித்து முதலிடத்தில் இருந்தார்.இதில் 6 சதங்களும் 40 அரை சதங்களும் அடங்கும்.
என்ன காரணம்?
தற்போது இந்த சாதனையை தான் ஜோ ரூட் 78 போட்டிகளில் முறியடித்து இருக்கிறார். அவர் 5121 ரன்கள் அடித்திருக்கிறார். இதில் 15 சதங்களும், 22 அரை சதங்களும் அடங்கும். உலக டெஸ்ட் சாம்பியன்ஷிப், சூப்பர் லீக் போன்ற முறை எல்லாம் இப்போது தான் கொண்டு வரப்பட்டது. இதனால் சச்சின் உள்ளிட்ட பழைய வீரர்கள் யாரும் இந்த பட்டியலில் இல்லை.