142 கி.மீ வேகப்பந்து
தொடக்க வீரராக களமிறங்கிய ஸ்டிபன் 11 பந்தில் 6 ரன்கள் மட்டுமே எடுத்து ஆட்டமிழந்தார். மேக்ஸ் 8 ரன்கள் எடுத்த நிலையில் எல்பிடபிள்யூ ஆனார். நட்சத்திர வீரர் பாஸ் டீ லீட் அணியை சரிவிலிருந்து மீட்க வேண்டும் என்று பொறுமையாக விளையாடினார். ஆட்டத்தின் 5.5வது ஒவரில் ஹாரிஸ் ரவுப் 142 கிலோ மீட்டர் வேகத்தில் அதிவேகமாக பந்துவீசினார்.
தாக்கியது பந்து
அப்போது, பந்து, பாஸ் டீ விட் ஹெல்மெட்டை கடுமையாக தாக்கியது. இதில் நிலைத்தடுமாறிய பாஸ் டீ லீட் வலியால் துடித்தார். உடனடியாக பாகிஸ்தான் வீரர்கள், பேட்ஸ்மேனை சூழ்ந்து அவருக்கு உதவினர். இதனையடுத்து, மருத்துவர்களும் மைதானத்துக்கு வந்த பாஸ் டீ லீட்டை ஆய்வு செய்தனர்.
காயம்
அப்போது பந்து தாக்கியதில் ஹெல்மெட் கிரில் , பேட்ஸ்மேனின் கண்ணுக்கு கீழ் வெட்டி, ரத்தக்காயம் ஏற்பட்டது. இதனையடுத்து, அவர் பேட்டிங் செய்யாமல், ஆட்டத்திலிருந்து விலகினார். பெரிதும் எதிர்பார்க்கப்பட்ட டாம் கூப்பர் 1 ரன்னில் வெளியேற, நெதர்லாந்து அணி 73 ரன்களுக்கு 6 விக்கெட் இழந்து தடுமாறியது.
91 ரன்களுக்கு அவுட்
கோலின் ஆக்கர்மென் பொறுப்பாக விளையாடி 27 ரன்கள் சேர்த்தார். மற்ற வீரர்கள் சொற்ப ரன்களில் ஆட்டமிழந்தனர். இதனால் 20 ஓவர் முடிவில் நெதர்லாந்து அணி 9 விக்கெட்டுக்கு இழப்பிற்கு 91 ரன்கள் எடுத்துள்ளது. பாகிஸ்தான் வீரர் சதாப் கான் 3 விக்கெட்டுகள், முகமது வசீம் 2 விக்கெட்டுகளை கைப்பற்றினர்.