ரசிகர்களை கட்டிப்போட்ட விரல் வித்தைக்காரர்.. அம்பயர் பில்லி பவுடன் கிரிக்கெட்டுக்கு குட்பை

அழகு அவுட்

இப்படி எத்தனை விருப்பு வெறுப்புகள் இருந்தாலும், பில்லி புவுடனை மட்டும் எல்லா நாட்டுக்காரர்களுக்கும் பிடிக்கும். காரணம், அவர் அவுட்டை கூட அவ்வளவு அழகாக கொடுப்பார்.

விரல் வித்தகன்

ஆள் காட்டி விரலை மடக்கி அவர் அவுட் கொடுக்கும் அழகை பார்க்கும்போது, நமது ஃபேவரைட் பேட்ஸ்மேன் வெளியேறும் அதிர்ச்சியை கூட மறந்திருப்போம். குழந்தைகளுக்கு தேனுடன் சேர்த்து கசப்பு மருந்தை தருவது போன்ற கெட்டிக்காரர் பில்லி பவுடன்.

சிக்சர் மன்னன்

பேட்ஸ்மேன் சிரமப்படாமல் ஒரு கிளிக்கில் சிக்சர் அடித்திருப்பார். ஆனால், பில்லி புவுடனோ, தனது உடலை மடக்கி வளைந்து, ஸ்டெப் பை ஸ்டெப்பாக சிக்சருக்கு இரு கைகளையும் தூக்கி காட்டுவார் பாருங்கள். அதற்காகவே, நம் நாட்டு பவுலர் சிக்சரை வாரி வழங்கினாலும் கவலையின்றி கிரிக்கெட் பார்த்தோர் கோடிக்கணக்கானோர்.

நீண்ட பணி

நியூசிலாந்தை சேர்ந்த பில்லி பவுடன், கடந்த 21 வருடங்களாக 200 ஒருநாள் போட்டிகள், 84 டெஸ்ட் போட்டிகளில் அம்பயராக பணியாற்றியுள்ளார். ஐசிசியின் ப்ரவுன் பெயில்ஸ் விருதை பெற்றுள்ளார்.

நோய் பாதிப்பு

பில்லி பவுடன் ரெமடாய்டு ஆர்தரிட்டிஸ் எனப்படும் நோயால் பாதிக்கப்பட்டுள்ளது. இதனால், நீண்ட நேரம் மைதானத்தில் நின்று பணியாற்றுவது அவரது உடல் நலத்துக்கு சரியல்ல என்று நியூஸிலாந்தின் ஐசிசி நடுவர்கள் குழுவில் இருந்து பில்லிக்கு ஓய்வளிக்கப்பட்டுள்ளது.

கருத்துக்கணிப்பு

பிற நாட்டு ரசிகர்களுக்கு எப்படியோ, ஆனால் ஆஸ்திரேலிய ரசிகர்களுக்கு ஏனோ, பில்லி மேல் கொஞ்சம் அதிருப்திதான். 2007ம் ஆண்டு எடுக்கப்பட்ட கருத்து கணிப்பில் மோசமான அம்பயர் என பில்லி பவுடனை குறிப்பிட்டனர்.