9வது இடம்
சைக்கிள் போட்டியில் கிறிஸ் 9வது இடத்தையே பிடிக்க முடிந்தது. ஆனாலும் அவர் கவலைப்படவில்லை. தனது காதலைச் சொல்லி கல்யாணத்திற்குச் சம்மதம் வாங்க இதுதான் சரியான சமயம் என்று அவர் பாய்ந்து வந்த விதம்தான் ஸ்டேடியத்தையே கலகலப்பில் ஆழ்த்தியது.
கைக்குழந்தையுடன்....
போட்டியை ரசித்துப் பார்த்துக் கொண்டிருந்த அமன்டாவுக்கு கைக்குழந்தை ஒன்று உள்ளது. குழந்தையுடன் போட்டியை ரசித்துக் கொண்டிருந்த அமன்டா தடாலடியாக தன்னை நோக்கி கிறிஸ் ஓடி வந்ததைப் பார்த்து குழப்பமான புன்னகையுடன் பார்த்தார்.
கட்டிக்கோயேன்
நேராக அமன்டாவிடம் ஓடி வந்த கிறிஸ், அவருக்கு முன்பு முழங்காலிட்டபடி என்னைத் திருமணம் செய்து கொள்ள உனக்குச் சம்மதமா என்று கேட்க அந்த அம்மாவுக்கோ சிரிப்பை அடக்க முடியவில்லை. வெட்கம் பிடுங்கித் தின்றது.. அத்தனை உணர்வுகளையும் அடக்கிக் கொண்டு அவர் எஸ் என்று சொன்னபோது அரங்கமே சிரிப்பலையிலும், கரவொலியிலும் அதிர்ந்தது.
எஸ்.. எஸ்..எஸ்.!
இதைக் கேட்டதும் உற்சாகமான கிறிஸ் இரு கைகளையும் மேலே தூக்கி புன்னகைத்தார். மேலும் உற்சாகமாக காற்றில் குத்து விட்டார்.
உடனே மோதிரத்தை மாட்டு
அத்தோடு நில்லாத அவர் கையோடு கொண்டு வந்திருந்த வைர மோதிரத்தையும் தனது காதலி விரலில் மாட்டி விட்டார். இந்தக் கூத்தை அவரது இடுப்பில் அமர்ந்திருந்த குட்டிப் பாப்பா அமைதியாக பார்த்துக் கொண்டிருந்தது.
ரகசியத் திட்டமாம்
தனது இந்த புரபோசல் திட்டத்தை ரகசியமாக வைத்திருந்தாராம் கிறிஸ். நண்பர்களிடம் கூட சொல்லவில்லையாம்.