ஹைதராபாதிலிருந்து
ஹைதராபாத்திலிருந்து இந்தியா முழுவதும் அலை பரப்பிய பெருமைக்குரியவர் சானியா.
அழகும், ஆட்டமும்
சானியா மிர்ஸாவின் ஆட்டத்தைப் போலவே அவரது அழகும் பேசப்பட்டது. பொதுவாகவே டென்னிஸ் வீராங்கனைகளின் ஆட்டத்தோடு அவர்களது அழகும்தான் பெருமளவில் பேசப்படும். அதற்கு விதி விலக்கில்லாதவராக சானியாவும் விளங்கினார்.
படு வேகமாக புகழுச்சியில்
படு வேகமாக புகழ் உச்சியில் ஏறியவர் சானியா. அவரது அழகு மட்டும் இதற்குக் காரணமல்ல, அருமையான ஆட்டமும் கூடத்தான்.
பல முதல்களுக்குச் சொந்தக்காரர்
சானியா மிர்ஸா பல முதல்களுக்குச் சொந்தக்காரர். அதாவது மிகவும் இளம் வயதில் மகளிர் டெண்னிஸ் சங்க போட்டிகளில் அறிமுகமானவர் சானியாதான். 2003ல் அது நடந்தது.
விம்பிள்டனில் பட்டம் வென்ற இளம் இந்தியர்
விம்பிள்டன் டென்னிஸ் போட்டியில், சிறுமியர் பிரிவில் பட்டம் வென்ற ஒரே இந்தியர் சானியாதான். அதேபோல ஆஸ்திரேலியா ஓபன் போட்டியில் கலப்பு இரட்டையர் பிரிவில் பட்டம் வென்ற முதல் இந்தியர் சானியாதான்.
பதக்கங்கள் ஏராளம்....
ஆப்ரோ ஆசிய போட்டியில் 4 தங்கப் பதக்கம் வென்றுள்ளார் சானியா. அதேபோல ஆசிய விளையாட்டுப் போட்டியில் 6 பதக்கம் வென்றுள்ளார். காமன்வெல்த் போட்டியில் 2 பதக்கம் வென்றுள்ளார்.
அர்ஜூனா விருது
மிகவும் இளம் வயதிலேயே அர்ஜூனா விருதையும் வென்றவர் சானியா. பத்மஸ்ரீ விருதும் இவருக்குக் கிடைத்துள்ளது.
மகேஷ் பூபதியுடன் சேர்ந்து
2009ம் ஆண்டு மகேஷ் பூபதியும் இவரும் இணைந்து ஆஸ்திரேலிய ஓபன் கலப்பு இரட்டையர் பட்டத்தை வென்றனர்.
தரவரிசையிலும் அசத்தல்
இவர் ஒற்றையர் பிரிவில் 27வது ரேங்க வரை முன்னேறியவர். இதைச் செய்த முதல் இந்தியா வீராங்கனை சானியாதான். அதே போல இரட்டையர் பிரிவில் 14வது ரேங்க் வரை வந்துள்ளார்.
30 லட்சம் லைக்
தற்போது இவரது பேஸ்புக் பக்கம் 30 லட்சம் லைக்குகளைப் பெற்றுள்ளது. இதை பெருமையுடன் தனது ஸ்டேட்டஸில் குறிப்பிட்டுள்ளார் சானியா. அனைவருக்கும் பெரிய நன்றி.. உங்களது அன்புதான் என்னை உயர்த்தியது என்று குறிப்பிட்டுள்ளார் சானியா....