மார்ட்டினா, எவர்ட் வரிசையில் செரீனா... 18வது கிராண்ட்ஸ்லாம் பட்டத்தை வென்றார்!

லீடிங் மார்கரெட் கோர்ட்

ஒட்டுமொத்த கிராண்ட்ஸ்லாம் சாதனை என்று பார்த்தால் அது இன்னும் மார்கரெட் கோர்ட்தான். அவர் 24 பட்டங்களுடன் முதலிடத்தில் இருக்கிறார்.

2வது இடத்தில் "ஸ்டைல் ராணி" ஸ்டெபி கிராப்

அதேபோல 2வது இடத்தில் முன்னாள் வீராங்கனை ஸ்டெபி கிராப் 22 பட்டங்களுடன் இருக்கிறார். இவர்களை செரீனா முந்தி புதிய வரலாறு படைப்பாரா என்பது தெரியவில்லை.

செம மகிழ்ச்சி

பட்டம் வென்றதும் மகிழ்ச்சியில் துள்ளிக் குதித்தார் செரீனா. பின்னர் அவர் பேசுகையில் இந்த ஆண்டின் முதல் பட்டமே எனது 18வது பட்டமாக அமைந்தது மகிழ்ச்சி தருகிறது. மிகவும் மகிழ்ச்சியாக இருக்கிறேன் என்றார் செரீனா.

கரோலினுக்கும் வாழ்த்துகள்

மேலும் செரீனா கூறுகையில், கரோலினையும் நான் வாழ்த்துகிறேன். நான் எப்படியெல்லாம் போராடி இந்த இடத்தை வந்தடைந்திருக்கிறேன் என்பதை அவர் அறிவார். அவர் அருமையான தோழி. நல்ல பெண்.

நீயும் வெல்வாய் கரோ

ஒரு நாள் கரோலினும் கிராண்ட்ஸ்லாம் பட்டத்தை வெல்வார். அவரை நான் வாழ்த்துகிறேன் என்றார் செரீனா.

ஹாட்ரிக் வெற்றி

உண்மையில் அமெரிக்க ஓபன் பட்டத்தை தொடர்ந்து 3வது முறையாக வென்றுள்ளார் செரீனா. இதற்கு முன்பு கிறிஸ் எவர்ட்தான் இப்படி ஹாட்ரிக் வெற்றிகளைப் பெற்றிருந்தார். எவர்ட்டும் கூட 6 அமெரிக்க ஓபன் பட்டங்களை வென்றுள்ளார் என்பது நினைவிருக்கலாம்.

செரீனாவுக்குப் பொருத்தமான பட்டம்

முதல் கிராண்ட்ஸ்லாமுக்காக 2009ம் ஆண்டிலிருந்து போராடி வரும் கரோலின் வோஸ்னியாக்கி செரீனாவாப் பாராட்டியுள்ளார். இந்தப் பட்டத்திற்கு மிகவும் பொருத்தமானவர் செரீனா. என்னை விட சிறப்பாக அவர் ஆடினார் என்று அவர் செரீனாவை வாழ்த்தியுள்ளார்.

19 வயதில் தவற விட்ட கரோலின்

2009ம் ஆண்டு நடந்த அமெரிக்க ஓபன் இறுதிப் போட்டிக்கு வந்திருந்தார் கரோலின். அப்போது கிளிஸ்டரிடம் போராடித் தோல்வியுற்றார். அன்று முதல் இன்று வரை அவர் தொடர்ந்து பட்டம் பெற போராடி வருகிறார். இத்தனைக்கும் கிராண்ட்ஸ்லாம் பட்டம் எதுவும் பெறாமலேயே உலகின் முதல் நிலை வீராங்கனையாக சிறிது காலம் இருந்தவர் கரோலின் என்பது நினைவிருக்கலாம்.