அடப் பாவமே.. மோசமான ஸ்கோர்களிலேயே இதுதான் மகா மோசமாமே!

மோசமான ஸ்கோரில் சாதனை

நேற்று வங்கதேசம் எடுத்த 43 ரன்கள்தான் டெஸ்ட் போட்டியில் ஒரு இன்னிங்ஸில் ஒரு அணி எடுத்த மிக மிக குறைந்தபட்ச ஸ்கோர் ஆகும். இதற்கு முன்னதாக அந்த அணி இலங்கை அணிக்கெதிராக 2007 ஆம் ஆண்டு 62 ரன்களை எடுத்ததே அந்த அணியின் குறைந்த பட்சமாகும்.

இந்தியா 42

அதேசமயம், நம்ம இந்தியா இதில் முன்னோடியாக்கும். இந்திய அணி 1974 ஆம் ஆண்டு குவித்த 42 ரன்களுக்கு பிறகு இதுவே குறைந்தபட்ச ஸ்கோர் ஆகும். வெஸ்ட் இண்டீசில் வெஸ்ட் இண்டீஸ் அணிக்கெதிராக அடிக்கப்பட்ட குறைந்த ஸ்கோரும் இதுவேயாகும்.

46 ரன்களில் சுருண்ட இங்கிலாந்து

இதற்கு முன்னால் வெஸ்ட் இண்டீஸ் ணி, 1994ஆம் ஆண்டு இங்கிலாந்து அணியை 46 ரன்களுக்கு ஆல் அவுட் செய்ததே அந்த அணியின் சாதனையாக இருந்தது.

கெமர் ரூச் அசத்தல்

இந்த போட்டியில் 5 விக்கெட் எடுத்ததன் மூலம்,வெஸ்ட் இண்டீஸ் வீரர் கெமர் ரோச் ஒரு புதிய சாதனை செய்துள்ளார். அவர் 12 பந்துகள் இடைவெளியில் 5 விக்கெட்களை வீழ்த்தினார். இதற்கு முன்னால் இதே சாதனையை மான்டே நோபல் (1902) மற்றும் காலிஸ் (2002) செய்தது குறிப்பிடத்தக்கது. நோபல் இங்கிலாந்து அணிக்கெதிராகவும் , காலிஸ் வங்கதேச அணிக்கெதிராகவும் இந்த சாதனையை படைத்தனர்.

குறைந்த பந்துகளில்

வங்கதேச அணி நேற்றைய போட்டியில் 112 பந்துகளில் ஆல் அவுட் ஆனது (18.4 ஓவர்கள்). இது இன்னொரு சாதனையாகும். ஒட்டுமொத்தமாக ஆஸ்திரேலியா அணி, இங்கிலாந்து அணிக்கெதிராக 111 பந்துகளில் (18.3 ஓவர்கள்) ஆல் அவுட் ஆனதே சாதனையாக இருந்து வருகிறது.

முட்டையோ முட்டை

மேலும் நேற்று ஏகப்பட்ட முட்டைகள் வேறு. டெஸ்ட் போட்டியில் ஒரு அணியின் நான்காவது, ஐந்தாவது மற்றும் ஆறாவது பேட்ஸ்மேன்கள் டக் அவுட் ஆகி வெளியேறினர். இப்படி வெளியேறுவது இது ஆறாவது முறையாகும்.