Click it and Unblock the Notifications
முதல் சதம்
இதனைத் தொடர்ந்து ஒருநாள் கிரிக்கெட் போட்டி நடைபெற்றது. இதில் வார்விக்சயர் அணிக்கு எதிரான லீக் ஆட்டத்தில் சஸ்சக்ஸ் அணிக்காக புஜாரா களமிறங்கினார் 73 பநதுகளில் புஜாரா சதம் விளாசினார். அந்தப் போட்டியில் ஒரே ஓவரில் 22 ரன்கள் அடித்தும் அனைவரையும் புஜாரா ஆச்சரியத்தில் ஆழ்த்தினார்.
மீண்டும் அதிரடி
இந்த நிலையில், இது எரிமலை போல் எப்போதாவது வெடிக்கும் ஆட்டம் என்று ரசிகர்கள் நினைத்தனர். ஆனால், என்னை அப்படி தவறாக எடைப் போடாதீர்கள் என்று இன்று மீண்டும் சரவெடியை கொளுத்தி இருக்கிறார் புஜாரா. இன்று ஹோவ் நகரில் நடைபெற்ற லீக் ஆட்டத்தில் சஸ்சக்ஸ் அணியும், சர்ரே அணியும் மோதின.
வகுப்பு எடுத்த புஜாரா
இதில், டாஸ் வென்று சர்ரே அணி முதலில் பந்துவீசுவதாக அறிவித்தது. இதனையடுத்து களமிறங்கிய சஸ்சக்ஸ் அணிக்கு ஆரம்பமே அதிர்ச்சியாக அமைந்தது. இரண்டு தொடக்க வீரர்களும் சொற்ப ரன்களில் ஆட்டமிழந்தனர். இதனையடுத்து புஜாரா மற்றும் டாம் கிளாக் ஆகியோர் ஜோடி சேர்ந்தனர். பொறுப்பான ஆட்டத்தை வெளிப்படுத்திய புஜாரா, ஒருநாள் கிரிக்கெட் போட்டியில் எப்படி விளையாட வேண்டும் என்று இளம் வீரர்களுக்கு கிளாஸ் எடுத்தார்.
அதிரடி சதம்
103 பந்துகளை எதிர்கொண்டு புஜாரா சதம் விளாசினார். அதன் பிறகு தான் அவர் ருத்ரதாண்டவம் ஆடினார். இதனைத் தொடர்ந்து அடுத்த 20 பந்துகளில் புஜாரா 53 ரன்களை விளாசி ரசிகர்களுக்கு அதிர்ச்சி அளித்தார். 131 பந்துகளை எதிர்கொண்ட புஜாரா, 174 ரன்கள் விளாசினார். இதில் 20 பவுண்டரிகளும், 5 சிக்சர்களும் அடங்கும். இதன் மூலம் சஸ்சக்ஸ் அணி 50 ஓவர் முடிவில் 378 ரன்களுக்கு 6 விக்கெட்டுகளை இழந்தது.
