Click it and Unblock the Notifications
உலகக்கோப்பை தொடர்
அதன்படி 2022ம் ஆண்டுகான டி20 உலகக்கோப்பை தொடர் வரும் அக்டோபர் 16ம் தேதி முதல் கோலகலமாக தொடங்கவுள்ளது. இறுதிப்போட்டி நவம்பர் 13ம் தேதி நடைபெறவுள்ளது. மொத்தமாக 29 நாட்கள் நடைபெறும் இந்த தொடரில் 45 போட்டிகள் நடைபெறவுள்ளன. இந்த முறை இந்த தொடர் ஆஸ்திரேலியாவில் உள்ள 7 நகரங்களில் நடத்தப்படவுள்ளன.
எந்தெந்த மைதானங்கள்
இதற்காக அடிலெய்ட், பிரிஸ்பேன், கீலாங், ஹோபார்ட், மெல்பேர்ன், பெர்த், சிட்னி, ஆகிய நகரங்கள் தேர்வு செய்யப்பட்டுள்ளது. இறுதிப்போட்டி மெல்பேர்ன் கிரிக்கெட் மைதானத்திலும், அரையிறுதி போட்டி சிட்னி, அடிலெய்ட், ஓவல் மைதானங்களில் நடத்த திட்டமிடப்பட்டுள்ளது.
தகுதிச்சுற்று அணிகள்
இந்த முறை ஆஃப்கானிஸ்தான், ஆஸ்திரேலியா, வங்கதேசம், இங்கிலாந்து, இந்தியா, பாகிஸ்தான், நியூசிலாந்து, தென்னாப்பிரிக்கா ஆகிய அணிகள் சூப்பர் 12 சுற்றுக்கு நேரடியாக தகுதி பெற்றுள்ளன. நமிபியா, ஸ்காட்லாந்து, இலங்கை, வெஸ்ட் இண்டீஸ் அணிகள் தகுதிச்சுற்றுகளில் வெற்றி பெற்று வரவேண்டிய சூழலில் உள்ளன.
அட்டவணை அப்டேட்
இந்த தொடருக்கான முழு போட்டி அட்டவணைகளும் வரும் ஜனவரி 21ம் தேதியன்று வெளியிடப்படும் என அறிவிக்கப்பட்டுள்ளது. டிக்கெட் விற்பனைகள் வரும் பிப்ரவரி 6ம் தேதியன்றே தொடங்கும் என்பதால் ரசிகர்கள் ஆவலுடன் காத்துள்ளனர்.
Continue with Google