வெற்றிக்கான காரணம்
தனது வெற்றிக்கான காரணத்தை ஷமி கூறியதாவது: நான் முன்பெல்லாம், மாங்கு.. மாங்கென்று ஓடி வந்து பந்து வீசி வந்தேன். ஆனால், இப்போது எனது ஓட்டத்தின் தூரத்தை குறைத்துவிட்டேன்.
நல்ல ஃபீலிங்
இவ்வாறு ஓட்ட தூரத்தை குறைத்ததன் மூலம், நான் மிகவும், வசதியாக உணர்கிறேன். எனது பவுலிங் வேகமும் கூடியுள்ளது.
அக்தர் காரணம்
சமீபத்தில், சோயிப் அக்தரிடம் (பாக். முன்னாள் அதிவேக பந்து வீச்சாளர்) பேசிக் கொண்டிருந்தபோது, எனது ஓட்ட தூரத்தை குறைக்கும் டிப்சை அவர்தான் கொடுத்தார். அவரது அறிவுரையை பின்பற்றிய பிறகு வெற்றி மீது வெற்றி கிடைத்து வருகிறது.
மாற்றமில்லை
எனது பந்து வீச்சில் வேறு எந்த மாற்றத்தையும் ஏற்படுத்திக்கொள்ள விரும்பவில்லை. ஏனெனில், மாற்றம் என்பது இரு புறமும் கூரான வாள் போன்றது. சில நேரங்களில் நாம் விரும்பியபடி மாற்றத்தை தரும், சில நேரங்களில், சொதப்பவும் செய்யும். எனவே, ஓட்ட தூரத்தை குறைத்ததை தவிர, வேறு எந்த மாற்றத்தையும் செய்ய நான் விரும்பவில்லை.
நியூசிலாந்தும் கலக்குவேன்
தற்போது லீக் சுற்றின் கடைசி இரு போட்டிகளிலும் விளையாட நியூசிலாந்துக்கு வந்துள்ளோம். இங்குள்ள பிட்சுகளிலும், எனது வழக்கமான முறைப்படியே, பந்து வீச உள்ளேன். சரியான அளவில், சரியான உயரத்தில் பந்து வீசுவது மட்டுமே எனது குறிக்கோள். இவ்வாறு ஷமி கூறினார்.