சிறந்த பினிஷர்
இந்திய அணியில் சிறந்த பினிஷர் என்றால் அது தோனி தான். தோனி சில போட்டிகளில் சறுக்கி இருந்தாலும், பல போட்டிகளில் தோல்விப் பாதையில் இருந்து அணியை திசை மாற்றி வெற்றி பெற வைத்துள்ளார்.
கற்றுக்கொண்ட கோலி
தோனியின் இந்த வித்தையை கோலி கற்றுக் கொண்டு, சிறப்பாக செயல்படுத்தி வருகிறார். அதே சமயம், சச்சினிடம் இருந்து கோலி எதையுமே கற்றுக் கொள்ளவில்லை என்கிறார் ஆன்டி பிக்கேல்.
இதுதான் வித்தியாசம்
போட்டிகளை முடிக்கும் திறன்தான் சச்சின் - கோலி இடையே உள்ள வித்தியாசம் என்றும் கூறுகிறார். இவர் சொல்வது உண்மைதானா? டாப்-ஆர்டரில் பேட்ஸ்மேன்களான சச்சின் - கோலி இருவரும் எத்தனை போட்டிகளில் நாட்-அவுட் ஆக இருந்தார்கள் என்பதை பார்த்தால் ஓரளவு உண்மைதான் என தெரிகிறது.
நாட்-அவுட் எண்ணிக்கை
சச்சின் 463 ஒருநாள் போட்டிகளில் 41 போட்டிகளில் நாட்-அவுட் ஆக இருந்துள்ளார். அதே சமயம், விராட் கோலி 227 போட்டிகளில் 37 போட்டிகளில் நாட்-அவுட்டாக இருந்துள்ளார். கோலி இந்த வித்தையை தோனியிடம் இருந்து தான் கற்றுக்கொண்டார் என்கிறார் பிக்கேல்.
உதவி தேவை
மேலும், உலகக்கோப்பையில் மிடில் ஓவர்களில் பந்துவீச்சாளர்களை மாற்றுவதற்கு, தோனியின் உதவி கோலிக்கு தேவைப்படும். தோனியின் நீண்ட அனுபவம் அவருக்கு உதவும் என்றார் ஆன்டி பிக்கேல்.