"ஒன் லாஸ்ட் டான்ஸ்" கனவை எட்டிப்பிடிக்க முயற்சிக்கிறேன்.. காயம் பற்றி தெளிவாக பதில் அளித்த மெஸ்ஸி!

மெஸ்ஸி பேட்டி

அப்போது அவர் கூறுகையில், எனக்கு எந்த காயமோ, பிரச்சினையோ இல்லை. தனியாக பயிற்சியை மேற்கொண்டது முன்னெச்சரிக்கை நடவடிக்கையே. ஒவ்வொரு முக்கிய தொடர்கள் தொடங்கும் போதும் என்னைப் பற்றிய இப்படியான செய்திகள் வெளியாவது வழக்கம்தான். பல்வேறு நாடுகளில் இருந்து ஏராளமான ரசிகர்கள் அர்ஜென்டினா அணி வெற்றிபெற வேண்டும் என்று ஆதரவு அளித்து வருகின்றனர்.

கடைசி முயற்சி

இந்த உலகக்கோப்பைத் தொடர் கொஞ்சம் ஸ்பெஷல். கடைசி தடவையாக கனவை எட்டி பிடிக்கும் முயற்சி. இந்த பயணத்தை எண்ணி மகிழ்ச்சியாக உள்ளது. இதுவரை வரையிலான பயணம் மிகவும் மகிழ்ச்சியாக இருக்கிறது என்று தெரிவித்தார். இதுவரை 1930, 1978, 1986, 1990 மற்றும் 2014 என 5 முறை உலகக் கோப்பை தொடரின் இறுதிப் போட்டியில் அர்ஜென்டினா விளையாடி உள்ளது. அதில் இரண்டு முறை சாம்பியன் பட்டம் வென்றுள்ளது.

ரசிகர்கள் ஆர்வம்

அதுமட்டுமல்லாமல் லயோனல் மெஸ்ஸி, இதுவே தனது உலகக்கோப்பை என்று கூறியுள்ளதால், அவரின் ஒவ்வொரு அசைவையும் ரசிக்க ரசிகர்கள் காத்திருக்கின்றனர். அதுமட்டுமல்லாமல் கால்பந்து ஜாம்பவான் மரடோனா இரு ஆண்டுகளுக்கு முன் மறைந்துள்ளதால், கோப்பையை வென்று அவருக்கு அர்ப்பணிக்க வேண்டும் என்று அர்ஜென்டினா ரசிகர்கள் ஆர்வமாக உள்ளனர்.

அர்ஜென்டினாவின் பலம்

அதுமட்டுமல்லாமல் அர்ஜென்டினா அணி இளமையும், அனுபவமும் வாய்ந்த அணியாக வலம் வருகிறது. கோல்கீப்பர் எமிலியனோ அணி முக்கிய தூணாக திகழ்ந்து வருகிறார். அதேபோல் தடுப்பாட்டத்தில் ரோமரியோ, லிசன்ரோ, இருக்கிறார்கள். நடுக்களத்தில் பரடெஸ், கோமஸ், ரோடிகுஷ், பலசியோஸ், பெர்னாண்டஸ் உள்ளார்கள். அதேபோல் மிக முக்கிய பலமாக அட்டாக்கில் டி மரியா, ஆல்வெரஸ், பாலோ டை பாலா இருக்கிறார்கள். இவர்களுடன் மெஸ்ஸி இருப்பதால், அர்ஜென்டினா அணி கோப்பையை வெல்லும் என்று எதிர்பார்க்கப்படுகிறது.