இந்திய புக்கி
தன்னிடம் அழகியைக் கூட்டி வந்து கவிழ்க்கப் பார்த்தவர் இந்தியாவைச் சேர்ந்த புக்கி என்றும் வின்சென்ட் கூறியுள்ளார்.
"பேட்" விற்பவர் போல வந்து!
தன்னிடம் வந்த நபர் பேட், ஷூ போன்றவை விற்பவர் போல வந்ததாகவும், ஆனால் உண்மையில் அவர் தன்னிடம் அழகியைக் காட்டி போட்டியை பிக்ஸ் செய்ய வந்த புக்கி என்றும் வின்சென்ட் கூறியுள்ளார்.
என்னுடைய ஹீரோ
நியூசிலாந்தைச் சேர்ந்த டிவி மற்றும் ரேடியோ ஒன்றுக்குப் பேட்டி அளித்துள்ளார் வின்சென்ட். அதில் அவர் கூறியிருப்பதாவது... என்னுடைய ஹீரோ ஒருவர் மேட்ச் பிக்ஸிங்கில் ஈடுபட்டிருந்ததை அப்போது அறிந்து நான் அதிர்ந்தேன்.அதேபோல என்னையும் வீழ்த்தப் பார்த்தனர். ஆனால் நான் மசியவில்லை.
ஐசிஎல்லை விரும்பினேன்
நான் ஐசிஎல் போட்டிகளில் ஆட ஆர்வமாக இருந்தேன். குடும்பத்துடன் வெளிநாடுகளில் ஆவது எப்போதுமே சுவாரஸ்யமானது. நல்ல பணமும் கிடைக்கும் என்பதும் ஒரு காரணம்.
புக்கிகள் குறித்து நல்லாத் தெரியுமே
நியூசிலாந்து கிரிக்கெட் நிர்வாகம் எங்களுக்கு பல நல்ல விஷயங்களைக் கற்றுக் கொடுத்துள்ளது. புக்கிகள் குறித்தும் நிறையச் சொல்லிக் கொடுத்துள்ளனர்.
போன் வந்தது..
இதற்காக நான் இந்தியா வந்திருந்தபோதுதான் அந்த சம்பவம் நடந்தது. எனது அறைக்குப் போன் வந்தது. மறுபக்கம் பேசிய நபர், தான் ஸ்போர்ட்ஸ் பொருட்களை விற்பவர் என்று அறிமுகப்படுத்திக் கொண்டார். சரி வாங்க என்றேன் நான்.
பெண்ணுடன் வந்தார்
அந்த நபரும் வந்தார். கூடவே ஒரு பெண்ணும் வந்திருந்தார். அவர், அந்த நபரின் மனைவி என்று நான் நினைத்தேன்.
ஆனால் மனைவி இல்லை
ஆனால் அவர் மனைவி இல்லை என்பது அரை மணி நேரம் கழித்தே தெரிந்தது எனக்கு. சரி, ஸ்போர்ட்ஸ் பொருட்களைக் காட்டுங்கள் என்றேன். லாபியில் இருப்பதாக கூறினார்.
பாத்ரூம் போக எழுந்தபோது
பின்னார் நான் பாத்ரூம் போக எழுந்தபோது அந்த நபரும் என்னிடம் வந்து கிசுகிசுப்பாக, இந்தப் பெண் எனது நிறுவனத்தின் கிப்ட் சார். பயன்படுத்திக்கோங்க என்றபோது அதிர்ந்தேன். ஆனால் உடனடியாக மறுத்து விட்டேன் என்றார் வின்சென்ட்.