Click it and Unblock the Notifications
ஸ்டூவர்ட் பின்னி பந்து வீச்சு
சமூக வலைதளங்களில் ஸ்டூவர்ட் பின்னியின் பந்து வீச்ச்சை ரசிகர்கள் நேற்று வசை பாடும் அளவுக்கு அவரை நையப்புடைத்து விட்டார் லூயிஸ். அதிரடியாக ஆடிய அவர் பின்னி பந்து வீச்சில் தொடர்ந்து 5 சிக்ஸர்களை விளாசினார்.
கடைசிப் பந்துக்கு சிங்கிள் மட்டுமே
கடைசிப் பந்தையும் சிக்ஸருக்கு விரட்ட அவர் முயன்றார். ஆனால் போகவில்லை. ஒரு ரன் மட்டுமே கிடைத்தது. இதனால் லூயிஸ் ஏமாற்றமடைந்தார். பின்னி அப்பாடா என்று நிம்மதிப் பெருமூச்சு விட்டார்.
2வது மேட்ச்தான் இது
இத்தனைக்கும் லூயிஸுக்கு இது 2வது டி20 போட்டிதான். காயமடைந்திருந்த கிறிஸ் கெய்லுக்குப் பதிலாக உள்ளே வந்தவர் இவர். வந்த வேகத்தில் வெளுத்துக் கட்டி விட்டார். 49 பந்துகளில் சதம், அதில் 5 பவுண்டரிகள், 9 சிக்ஸர்கள் என பிரமிக்க வைத்து விட்டது லூயிஸின் அதிரடி ஆட்டம்.
முதல் போட்டியில் முட்டை போட்டவர்
லூயிஸ் உலகக் கோப்பை டி20 தொடரில் தான் அறிமுகமானார். ஆப்கானிஸ்தானுக்கு எதிராக முதலில் ஆடினார். அப்போட்டியில் 7 பந்துகளைச் சந்தித்த அவர் முட்டைதான் போட்டார்.
மொத்தத்தில் நேற்று லூயிஸ் ஓவர்நைட் ஹீரோவாகி விட்டார்!
