அதிரடி வெற்றிகள்
இந்த நிலையில், 6 போட்டிகள் கொண்ட ஒருதினப் போட்டித் தொடர் துவங்கியது. முதல் இரண்டு ஆட்டங்களிலும் அபாரமாக வென்ற இந்திய அணி, கேப்டவுனில் நேற்று நடந்த ஆட்டத்தில் 124 ரன்கள் வித்தியாசத்தில் வென்றது.
முன்னணியில் இந்தியா
இதன் மூலம், 6 போட்டிகள் கொண்ட தொடரில், 3-0 என இந்தியா முன்னிலையில் உள்ளது. அடுத்த போட்டியில் வென்றால், தொடரை வெல்லும் வாய்ப்பு கிடைத்துள்ளது.
தென்னாப்பிரிக்காவில் வென்றதில்லை
தென்னாப்பிரிக்காவில், அந்த அணிக்கு எதிரான ஒருதினப் போட்டித் தொடரை இந்தியா இதுவரை வென்றதில்லை. இதுவரை நான்கு முறை இந்தியா தென்னாப்பிரிக்காவில் விளையாடியுள்ளது. 1992-93ல் 5-2, 2006-07ல் 4-0, 2010-11ல் 3-2, 2013-14ல் 2-0 என தென்னாப்பிரிக்காவே தொடர்களை வென்றுள்ளது.
மோசமான சாதனை முறியுமா
இந்த முறை தொடரை இழக்கும் அபாயத்தில் இருந்து இந்தியா தப்பியுள்ளது. அத்துடன் தென்னாப்பிரிக்காவில் முதல் முறையாக ஒருதினப் போட்டித் தொடரை வெல்வதற்கான வாய்ப்பும் கிடைத்துள்ளது.