பேட்டிங் ஆர்டர்
ஹைதராபாத் அணியின் பேட்டிங் ஆர்டர் இந்த ஐபிஎல் தொடரில் மிகவும் மோசமாகவே இருந்தது. தவான் சரியான பார்மில் இல்லை. கேன் வில்லியம்சனும், அவ்வப்போது யூசுப் பதானும் மட்டுமே சரியாக ஆடி வந்தனர். எல்லா போட்டியிலும் ஹைதராபாத் மிகவும் குறைந்த ரன்களே எடுத்து வந்தது. ஆனால் ஹைதராபாத் அணியின் பவுலிங் ஆர்டர் மிகவும் வலுவாக இருக்கிறது.
பெங்களூர்
இந்த நிலையில் ஒரு வாரம் முன்பு ஹைதராபாத்திற்கு எதிரான போட்டியில் பெங்களூர் தோல்வி அடைந்தது. கடைசி ஓவரில் 12 ரன் அடிக்க முடியாமல் பெங்களூர் தோற்றது. முதலில் இறங்கிய ஹைதராபாத், 20 ஓவரில் ஆல் அவுட்டாகி 146 ரன்கள் மட்டுமே எடுத்தது. அதன்பின் இறங்கிய பெங்களூர் அணி 20 ஓவரில் 6 விக்கெட் இழந்து 141 ரன்கள் மட்டுமே எடுத்தது. இதனால் பெங்களூருக்கு எதிரான ஐபிஎல் போட்டியில் ஹைதராபாத் வெற்றி பெற்றது. 5 ரன்கள் வித்தியாசத்தில் பெங்களூரை வீழ்த்தி ஹைதராபாத் வெற்றி பெற்றது.
கோஹ்லி
இதற்கு பின் கோஹ்லி முக்கியமான ஒரு பேட்டி அளித்து இருந்தார். அதில் ''ஹைதராபாத் அணியிடம் பேட்டிங் ஆர்டர் சரியாக இல்லை. ஆனால் அந்த அணியின் பவுலிங் ஆர்டர் மிகவும் சிறப்பாக உள்ளது. பவுலிங் ஆர்டரை வைத்து அந்த அணி எப்போதும் வெற்றிபெறுகிறது.''' என்று கொஞ்சம் கிண்டலாக குறிப்பிட்டு இருந்தார். சென்னை மட்டுமே மிகவும் சமமான பலத்துடன் இருக்கிறது என்றார். இது கொஞ்சம் ஹைதராபாத் ரசிகர்களை கஷ்டத்திற்கு உள்ளாக்கியது.
ஹைதராபாத் பதிலடி
இந்த நிலையில்தான் கோஹ்லியின் இந்த பேட்டிக்கு ஹைதராபாத் பதிலடி கொடுத்துள்ளது. அதன்படி, நேற்று நடந்த போட்டியில் ஹைதராபாத்தின் பவுலிங்கை விட பேட்டிங் மிகவும் சிறப்பாக இருந்தது. ஹைதராபாத் அணியில் தவான் மிகவும் அதிரடியாக ஆடி 92 ரன்கள் எடுத்து சதத்தை தவறவிட்டார். கேன் வில்லியம்சன் அதிரடியாக ஆடி 83 ரன்கள் எடுத்தார். வெறும் 1 விக்கெட்டை இழந்து அந்த அணி வெற்றிபெற்றது.