முதல்ல பிரச்சனைன்னு ஒத்துக்கணும்.. அப்ப தான் ரிப்பேர் பண்ண முடியும்.. போட்டு உடைத்த முன்னாள் வீரர்!

ரஹானே கெத்து

இந்திய டெஸ்ட் அணியின் துணை கேப்டன், ராஜஸ்தான் ராயல்ஸ் ஐபிஎல் அணியின் துணை கேப்டன் என கெத்தாக வலம் வந்தாலும், ரஹானேவின் பேட்டிங் பார்ம் கடந்த இரு ஆண்டுகளாகவே படுத்து விட்டது என்பதே உண்மை.

பேட்டிங் திறன் சரிவு

2018 மற்றும் 2019 ஆம் ஆண்டில் ரஹானேவின் டெஸ்ட் சராசரி 24 மற்றும் 37. அவர் டெஸ்ட் மற்றும் ஒருநாள் போட்டிகளில் ஆடத் துவங்கிய போது, கோலி போன்ற ஒரு வீரர் என புகழப்பட்டார். ஆனால், அவரது பேட்டிங் திறன் சரிந்து கொண்டே வந்து கடந்த இரு ஆண்டுகளாகவே மோசமாகவே உள்ளது.

பேட்டிங் பார்ம்

இந்த நிலையில், அவரது ஐபிஎல் பேட்டிங் பார்ம் குறித்து ட்விட்டரில் பதிவிட்டுள்ள முன்னாள் வீரர் சஞ்சய் மஞ்ச்ரேக்கர், "சில நாட்களாகவே இதை எண்ணிக் கொண்டு இருக்கிறேன். ரஹானே தன் பேட்டிங் பார்ம் குறித்து தெரிந்து கொள்ளாமலேயே இருக்கிறார். அவர் தனது பேட்டிங்கில் பிரச்சனை உள்ளது என தெரிந்து கொண்டால் மட்டுமே, அதை ரிப்பேர் செய்ய முடியும்" என சுட்டிக் காட்டியுள்ளார்.

ஆதரவு இல்லை

சஞ்சய் மஞ்ச்ரேக்கர் மற்றும் ரஹானே இருவரும் மும்பையை சேர்த்த கிரிக்கெட் வீரர்கள். பொதுவாக மும்பை கிரிக்கெட் வீரர்கள், முன்னாள் வீரர்கள் வெளியில், தங்களுக்குள் ஒருவரை ஒருவர் விட்டுக் கொடுக்காமல் ஆதரித்துப் பேசுவார்கள். ஆனால், சஞ்சய் மஞ்ச்ரேக்கர், ரஹானே பேட்டிங் பார்ம் பற்றி பொதுவெளியில் போட்டு உடைத்துள்ளார்