டாஸ்
பரபரப்பான ஐபிஎல் இறுதிப் போட்டியில் டெல்லி கேபிடல்ஸ் அணி டாஸ் வென்றது. முதலில் பேட்டிங் செய்து பெரிய ஸ்கோரை இலக்காக நிர்ணயித்தால் மும்பை அணி தடுமாறும் என்பதால் அந்த அணி பேட்டிங் தேர்வு செய்தது.
துவக்க வீரர் மாற்றம்
டெல்லி கேபிடல்ஸ் அணியில் சரியான துவக்க வீரர்கள் அமையாததால் தவானுடன் யாரை பேட்டிங் ஆட வைக்கலாம் என பிளே-ஆஃப் சுற்று வரை குழப்பம் நீடித்தது. ஹைதராபாத் அணிக்கு எதிரான பிளே-ஆஃப் போட்டியில் மார்கஸ் ஸ்டோய்னிஸ் துவக்க வீரராக இறங்கி அதிரடி ஆட்டம் ஆடினார்.
செம பில்டப்
இந்த நிலையில் இறுதிப் போட்டியில் அவர் அதிரடி ஆட்டம் ஆடி டெல்லி அணியை வெற்றி பெற வைப்பார் என அவருக்கு பெரும் பில்டப் கொடுக்கப்பட்டது. குறிப்பாக கடந்த முறை மும்பை அணி ரன்னே எடுக்காமல் டெல்லி அணியின் 3 விக்கெட்களை சாய்த்து இருந்தது.
ட்ரென்ட் போல்ட் காயம்
ட்ரென்ட் போல்ட் அப்போது முதல் ஓவரிலேயே 2 விக்கெட் வீழ்த்தி இருந்தார். அவரை சமாளிக்க மார்கஸ் ஸ்டோய்னிஸ் தான் சரியான பேட்ஸ்மேன் எனவும் கூறப்பட்டது. ட்ரென்ட் போல்ட் காயத்தில் இருந்ததால் இறுதிப் போட்டியில் சரியாக பந்து வீசுவாரா? என்ற குழப்பமும் நிலவியது.
ஏமாற்றிய ரஹானே
அடுத்து வந்த ரஹானே நிலைத்து நின்று ஆடுவார் என எதிர்பார்க்கப்பட்ட நிலையில் அவர் 2 ரன்கள் எடுத்த நிலையில் போல்ட் வீசிய மூன்றாவது ஓவரில் விக்கெட் கீப்பரிடம் கேட்ச் கொடுத்து ஆட்டமிழந்தார். டெல்லி அணி 16 ரன்களுக்கு 2 விக்கெட்களை இழந்தது.