ஜூனியர் தோனி ரெடி.. சாக்‌ஷி தோனி குறித்து வெளியான தகவல்.. கொண்டாடித் தீர்க்கும் ரசிகர்கள்!

சிஎஸ்கேவின் கம்பேக்

கடந்தாண்டு ஐபிஎல் தொடரில் ப்ளே ஆஃப் சுற்றுக்கு கூட முன்னேற முடியாமல் முதல் அணியாக வெளியேறியது. இதனால் எழுந்த விமர்சனங்களுக்கு பதிலடி கொடுக்கும் வகையில் இந்தாண்டு தனது 4வது ஐபிஎல் கோப்பையை வென்று அசத்தியது சென்னை சூப்பர் கிங்ஸ். குறிப்பாக தோனி இனி அவ்வளவு தான் எனக்கூறிய வாய்களுக்கு தனது அதிரடி கம்பேக் மூலம் பதிலடி கொடுத்தார்.

வைரல் போட்டோ

சென்னை அணி வெற்றி பெற்றவுடன் அனைவரும் உணர்ச்சிவசப்பட்டு கண் கலங்கினர். பரிசு வழங்கும் நிகழ்ச்சியின் போது தோனியை அவரது மனைவி சாக்‌ஷி தோனியும், மகள் ஜீவா தோனியும் கட்டிப்பிடித்து மகிழ்ச்சியை பகிர்ந்துக்கொண்டனர். அவர்கள் மூவரும் ஒன்றாக கட்டியணைத்த புகைப்படம் இணையத்தில் வைரலாகி வந்தது.

குட்டித் தல வருகை

இந்நிலையில் அவர்களின் செயலுக்கு பின்னால் மற்றொரு மகிழ்ச்சிகரமான செய்தி இருப்பது தெரியவந்துள்ளது. அதாவது சாக்‌ஷி தோனி கர்ப்பமாக இருப்பதாகவும், விரைவில் ஜீனியர் தோனி வரவுள்ளார் எனத் தகவல் வெளியாகியுள்ளது. இதனால் இணையத்தில் புகைப்படங்களை பதிவிட்டு ரசிகர்கள் கொண்டாடி வருகின்றனர்.

உண்மை நிலை

எனினும் இதின் உண்மை என்பது குறித்து தெரியவில்லை. ஒருவேளை சாக்‌ஷி தோனி கர்ப்பமாக இருந்திருந்தால், நேற்று சிஎஸ்கேவுக்கு மகிழ்ச்சி தருணமாக அமைந்த போதே, இந்த மகிழ்ச்சி செய்தியையும் அறிவித்திருப்பார். ஆனால் எதனையும் அவர் கூறவில்லை. எனவே குட்டி தல வரவுள்ளார் என்று பரவும் தகவல்கள் தவறானவை எனத் தெரிகிறது.