குத்துச் சண்டைக்கு எப்படி முகம்மது அலியோ.. அதுபோல கிரிக்கெட்டுக்கு சச்சின்- லாரா

புள்ளிவிவரத்தைப் பார்க்காதீங்க

புள்ளிவிவரத்தை வைத்து சிலரை சச்சினுடன் ஒப்பிடலாம். ஆனால் சச்சின் என்ற தனிப்பட்ட வீரருக்கு இணையானவர்கள் யாரும் இல்லை. அவர் தனித்துவம் வாய்ந்தவர்.

முகம்மது அலி போல

எப்படி குத்துச் சண்டையில் எத்தனையோ பிரபலமான வீரர்கள் இருந்தாலும், குத்துச் சண்டையின் அடையாளமாக முகம்மது அலி திகழ்கிறாரோ, கூடைப் பந்துக்கு மைக்கேல் ஜோர்டன் இருக்கிறாரோ, அதேபோல கிரிக்கெட் என்றால் சச்சின் டெண்டுல்கர்தான் நினைவுக்கு வருவார்.

சரியான முடிவு

தனது 200வது டெஸ்ட் போட்டியை முடித்த கையோடு விடைபெறுவது என்று சச்சின் எடுத்த முடிவு மிகச் சரியானதுதான். தனது ஓய்வை முடிவு செய்யும் உரிமை சச்சினுக்கு உண்டு. சரியான நேரத்தில் சரியான முடிவை அவர் எடுத்துள்ளார்.

சச்சின் தாமதத்தில் தவறில்லை

தனது ஓய்வை அறிவிக்க சச்சின் கால தாமதம் செய்து விட்டதாக நான் கருதவில்லை. சில ஆண்டுகள் அவர் சரியாக விளையாடாமல் இருந்திருக்கலாம். ஆனால் வெளியில் உட்கார்ந்து கொண்டு அவரது ஆட்டத்தை விமர்சிக்க முடியாது, கூடாது. அவர் இந்திய அணியில் எந்த அளவுக்கு இளம் வீரர்கள் மத்தியில் தாக்கத்தை ஏற்படுத்தியுள்ளார் என்பதைப் பார்க்க் வேண்டும்.

40 வயதுக்கு மேல் விளையாடியவர்கள் உண்டு

சச்சினின் வயதைக் காரணம் கூற முடியாது. காரணம், 40 வயதுக்கு மேற்பட்டவர்கள் பலர் விளையாட்டில் சாதித்துள்ளனர்.

வெஸ்ட் இண்டீஸ் ஆட்டம் சரியில்லை

மேற்கு இந்தியத் தீவுகள் அணி தனது முதல் டெஸ்ட் போட்டியில் சரியாக ஆடவில்லை. மும்பை போட்டியில் சிறப்பாக ஆடுவார்கள் என்று எதிர்பார்க்கிறேன் என்றார் லாரா.